Llega a El Musel el segundu metaneru que descargará gas licuao pa la regasificadora

Descargues de gas enantes de la puesta en marcha comercial de la instalación

El segundu metaneru que da serviciu a la regasificadora d’El Musel yá ta nel cai. Ye’l buque "El Dorado" que trai 174 mil metros cúbicos de gas licuao pa la instalación.

Salió del cai de Texas va ocho díes. Estes descargues de gas son enantes de la puesta en marcha comercial de la instalación, prevista pal 31 de xunetu y operada por Enagás.

Coincidiendo cola llegada d’esti metaneru, Ecoloxistes n’Acción presentó un recursu escontra la puesta en marcha de la instalación.