Los arquiteutos tienen el retu de construyir d'otra forma

Avilés acueye les xornaes del Conseyu Xeneral del Poder Xudicial y del Conseyu Cimeru de los Colexos d'Arquiteutos d'España

Asturies acueye, per primer vegada dende güei y hasta'l sábadu, la decimocuarta edición de les xornaes del Conseyu Xeneral del Poder Xudicial y del Conseyu Cimeru de los Colexos d'Arquiteutos d'España.

Un total de 400 xueces y arquiteutos de toa España participen nel Niemeyer nun alcuentru onde se pon el focu nel péritu xudicial.

Los arquiteutos tienen el retu de construyir d'otra forma d'equí a 2050 p'adaptase a les nueves normatives europees. El so oxetivu final ye que contribuyan a lluchar escontra'l cambéu climáticu.

Un exemplu ye Avilés, onde nel so cascu históricu xúnense modernidá y comodidá a la hora de rehabilitar los sos edificios, espliquen Ruth Schagemann, presidenta del Conseyu d'Arquiteutos d'Europa y Mariví Monteserín, alcaldesa d'Avilés.

Nes xornaes analizóse la figura de los péritos xudiciales, una ayuda que los xueces consideren fundamental en tolos sos procesos, espliquen Jesús Chamorro, presidente del TCXA, Encarnación Vicente, viceconseyera de Xusticia del Principáu d'Asturies y Marta Vall-llosser, presidenta del Conseyu Cimeru de Colexos d'Arquiteutos d'España

Un foru que se celebra nel Centru Niemeyer y onde hasta'l sábadu, arquiteutos y xueces de toa España conxuguen el derechu y l'arquitectura del mañana.