Los celíacos reclamen ayudes pa la cesta de la compra y denuncien irregularidaes na restauración

Un 2% de la población entá nun ta diagnosticada de la intolerancia

L'Asociación Celíaca del Principáu y la Federación de Celíacos d'España piden ayudes pa la compra d'alimentos llibres de gluten por cuenta de los sos elevaos precios.

Denuncien amás qu'atoparon publicidá engañosa de dellos restauranes qu'incumplen les midíes pa evitar el contactu cruzáu.

Na novena xornada de la Feria Internacional de Muestres d'Asturies, reclamen un mayor espardimientu y sensibilización sobro la celiaquía. Aseguren qu'un 2% de la población entá nun ta diagnosticada d'esta intolerancia.