Los chiringos de San Mateo movilícense pa nun quedar fuera de les fiestes

Consideren que desaniciar la so xera acabaría cola propia esencia de les celebraciones

Los 11 chiringos históricos de San Mateo consideren que desaniciar la so xera acabaría cola propia esencia de les fiestes uvieínes. Acusen al equipu de Gobiernu de dexase influir pola opinión de l'asociación OTEA.

Rechacen que los chiringos sirvan a intereses políticos y reivindíquense como un bien turísticu pa la ciudá nes fiestes. Afirman que l'alcalde, Alfredo Canteli, aseguró hai meses que nun teníen dulda sobre los chiringos de San Mateo.

Piden al alcalde que s'allugue a favor de los chiringos por ser un elementu diferenciador nes fiestes. Anuncien una campaña per redes sociales y recoyida de firmes pa impedir la so eliminación. Incluso abren la posibilidá d'entamar acciones llegales.