Los conceyos asturianos prepárense pa la temporada de playa y baños

Castrillón, ún de los primeros conceyos n'arrancar la campaña 'Playas ensin Fumu'

Los conceyos asturianos prepárense pa la temporada de playa y baños. Los más yá llimpiaron les sos playes o tán a piques d’acabar la llimpieza. Castrillón entamó cola campaña de 'Playes ensin Fumu'. El primeru que s’amestó a esta iniciativa del Principáu. La preparación complétase con delles actuaciones de remocique d’espacios públicos, como casetes o baños.

Castrillón ye ún de los primeros conceyos asturianos en poner en marcha la campaña que recomienda nun fumar nes sableres del conceyu. Avérase’l branu y quieren que los usuarios yá tean concienciaos sobre lo dañín que ye esti consumu pa la salú y el cuidáu del entornu.

Otra actuación que yá acabó en munches sableres foi la llimpieza.

Como tolos años Carreño yá tien les sos playes llimpies dende Selmana Santa.

En Gozón fízose una prellimpieza de tueros va unes selmanes y ta pensándose nuna campaña de voluntariáu p’acabar de llimpiar los tueros más pequeños, entá por quitar.

En Sotu’l Barcu tamién hubo una llimpieza, que se completará nel mes de mayu pa que namás quede’l caltenimientu diariu.

Muros entamará a llimpiar nel mes de xunu, de cara al entamu de la temporada de baños.

En Castrillón, Daorje, la empresa concesionaria del serviciu yá llimpió. Sacó 450 tonelaes de basura.

Los preparativos pa la temporada de baños nes playes asturianes complétense, ente otros trabayos, con remocique de les casetes de salvamentu, los baños, les duches y los chiringos de les playes.

En dalgunos conceyos entamarán pronto cola selección del personal pal serviciu de socorrismu. Les playes más grandes y con mayor númberu d’usuarios tendrán un reten de socorristes dende entamos de xunu.