Los epidemiólogos dulden de la eficacia de caltener los mázcaros nes farmacies

Celebren que'l miércoles yá nun seya necesario llevalos nos tresportes públicos​

Dende la selmana pasada, les cifres de contaxos de COVID-19 tán en mínimos en toa España. Nesti contestu d'enclín descendente, el Gobiernu va aprobar el martes el fin del usu obligatoriu de los mázcaros nos tresportes públicos.

Ye una decisión sofitada polos espertos, que sofiten caltener esta midida nos centros de salú. Argumenten que dende fai cuasi un añu, los contactos ensin mázcaru son vezu en cuasi tolos ámbitos de la vida y que la curva de contaxos sigue baxando.

Consensu xeneral anque non unánime. Daniel López Acuña considera que quitar los mázcaros supón llanzar un mensaxe enquivocáu.

Toos coinciden en qu'hai que caltenelos nos centros d'atención médica. La dulda, surde nos establecimientos sanitarios, según esplica Pedro Arcos.

Los espertos recuerden que ye recomendable llevar mázcaru en casu de presentar síntomes de virus respiratorios. Aseguren que tanto o más importante que'l cubreboques, ye llavar les manes y una bona ventilación.