Los escolinos d’infantil del colegio La Xesta d’Uviéu recreen en casa cuadros célebres

Un muséu pa desendolcar l’inxeniu y caltener el contactu colos sos compañeros

Los escolinos de primeru d’infantil del colexu La Xesta d’Uviéu amestáronse a la iniciativa de recrear en casa cuadros célebres. Una manera de desendolcar l’inxeniu y caltener el contactu colos compañeros.

Hai auténtiques obres d’arte. Andrei y Daniel llévennos pelos clásicos 'El Greco' y Martínez Mazo; pero pa clásicu, Iyán, na so casa ta’l Louvre y 'La Gioconda' colgada nel balcón.

Nesa clase, hai clase y dos Goyas: el de Francesa y el so perrín rosa, y el de Javier y el so unicorniu.

Non solo arte español, tamién de fuera: Van Eyck con Eduardo, y la clásica 'Joven de la Perla' de Vermeer, recreada por Mariana.

Hai cuadros más modernos, como’l de Valentina, recreando la obra de Munier o unu de Sorolla, fechu por Alura y Mara.

Más modernos entá, Nelsy y su Frida Kalo; Lira y Vega con Warhol; o Victoria y Bianca que tán na vanguardia, un glayíu de modernidá, que podría dicir Enol.

Por haber, nesti muséu hai hasta escultures, les de los dos Pablos: una clásica, 'El Discóbolo'; y otra d’equí al llau, 'El Viajero' d’Eduardo Úrculo.