Asturies, tercer comunidá en Ciencies y octava en Matemátiques, según PISA

L'alumnáu asturiano de 15 años ocupa'l tercer puestu nel ránking autonómicu de conocencia de Ciencies y l'octavu en Matemátiques, según l'informe educativu internacional PISA asoleyáu güei.

L'alumnáu asturiano algama una puntuación de 496 puntos en Ciencies y 491 puntos en Matemátiques, penriba del promediu nacional de 483 y 481 puntos, respectivamente.

Asturies escaló posiciones al respective del informe fechu en 2015, nel qu'ocupaba'l séptimu puestu en Ciencies y el décimu en Matemátiques, a pesar del llixeru empeoramientu de la puntuación xeneral (501 y 492, respectivamente, en 2015).

L'alumnáu español de 15 años baxó 4,5 puntos en Matemátiques y hasta 9,5 puntos en Ciencies nel informe internacional PISA 2018 al respective del de 2015 y volvió a asitiase per baxo la media de la OCDE nel primer estudiu dempués d'afitase la Lomce en cuartu de la ESO.

La OCDE asoleyó los resultaos d'esti informe sobre 79 países, que llega a España envueltu en polémica al aplazase los datos sobre compresión llectora dempués de detectase "anomalíes" en dalgunes rempuestes d'alumnáu de delles comunidaes autónomes.