Los hermanos Bermúdez y la so pasión pol tiru con arcu compuestu

Rebeca y Eduardo suañen con qu'esti deporte seya disciplina olímpica

Rebeca Bermúdez tenía 7 años cuando garró per primer vegada un arcu y les fleches, mientres el so hermanu Eduardo siguíala atentu dende'l carricoche.

Foi so padre'l que los entamó nun deporte, el tiru con arcu compuestu, nada avezáu pa dos neños de Llaviana.

Sorprende saber que la puntería nun ye lo fundamental nun deporte que consiste precisamente neso, en dar na diana. Lo fundamental, cuenten, ye la técnica, que se consigue a base de repetir y repetir y sobre manera la concentración.

Un deporte onde la muyer entá ye minoría y al que-y fai falta munchu sofitu.

Rebeca y Eduardo tienen un suañu compartíu ente hermanos, que'l tiru con arcu compuestu seya deporte olímpicu.