Los parques de bateríes tendrán de tar a más de 1.000 metros de núcleos urbanos

Los vecinos de Pion y Castiellu xúnense escontra la posible instalación de dos parques de bateríes

El Gobiernu va afitar que los parques de bateríes nun van poder instalase a menos de 1.000 metros de núcleos urbanos nin a menos de 500 metros d'instalaciones ganaderes o mases forestales.

Ye unu de los criterios que se van definir nel decretu que prepara'l gobiernu autonómicu y tamién na instrucción que la cuota va aprobar nun plazu máximu de cuatro selmanes.

Anguaño hai 170 solicitús d'instalación de parques. D'elles, 47 tán yá en tramitación y d'eses, 35 yá salieron a información pública.

Los vecinos de Pion y Castiello xuniéronse escontra la posible instalación de dos parques de bateríes

Los vecinos de Pion y Castiello xuniéronse escontra la posible instalación de dos parques de bateríes nes sos parroquies. Inquietos tamién énte la falta d'información creen que los riesgos son mui elevaos.

Un refugu unánime ente les dos poblaciones que yá se dexa ver pola so redolada con pegada de cartelos y pintaes.

L'alcalde de Villaviciosa, Alejandro Vega, refuga dambes actuaciones inclusive cola normativa actualizada al considerar que tienen d'allugase fuera de los núcleos rurales y recuerda que necesiten la so aprobación.

Los vecinos aseguren que van siguir lluchando hasta que se refugue dafechu la idea.