Noticies n'asturianu
Fuente: RTPA, 18 de mayu. 2019 22:03

Los partíos políticos xuéguense nes próximes elecciones los ingresos asignaos pol Principáu

En castellano: Los partidos políticos se juegan en las elecciones los ingresos asignados por el Principado
Papeletas de los partidos políticos en un colegio electoral

El gobiernu rexonal afita en 15.727 euros la cantidá a recibir por escañu y en 79 céntimos por votu

Amás de la so representación parlamentaria, los grupos políticos con presencia na Xunta xuéguense los ingresos colos que cuntaron vía subvención del Principáu nestos cuatro años. Un decretu del Gobiernu afitó en 15.727 euros la cantidá que percibiríen por escañu y en 0,79 el desembolsu que llograría por votos. De repitise les actuales resultaos, en total ingresaríen 1.112.847 euros al añu.

 

De votar igual los asturianos que va cuatro años, el PSOE sedría'l que más s'embolsaría. Recibiría cuasi 334.000 euros. El segundu que más cantidaes ingresaría sedría'l PP. En total, llegaríen-y 265.00 euros de dineru público por esti conceutu, surdíu de multiplicar cada votu por 0,79 céntimos y cada escañu por 15.000 euros. A estes cantidaes va haber que sumar lo que-yos dea la Xunta Xeneral pa pagar a los diputaos y al personal eventual.

 

En tercer llugar taría Podemos, que llegaría a llograr 223.000. El siguiente sedría Izquierda Xunida, qu'en total ingresaría 130.000 euros.

 

Darréu vendría Foro, qu'embolsaría 82.000 euros, daqué más que Ciudadanos que, na última convocatoria llogró los mesmos escaños. Sicasí, Foro recibió más votos, razón pola que por esti conceutu ingresaría 35.139 euros, mientres Ciudadanos quedaría en 30.000. Polos escaños llograríen lo mesmo: 47.000 euros. En total, Ciudadanos quedaría en 77.000.

Comparte