Los profesores podrán solicitar per primer vegada díes d'asuntos propios dempués de la vuelta de vacaciones

Un día de permisu remuneráu per trimestre y otru fuera del periodu llectivu pero con actividá nel centru

La Conseyería d’Educación entamará a tramitar los díes d’asuntos propios retribuyíos del profesoráu a la vuelta de vacaciones de Navidá, una vegada s’asoleye nel Boletín Oficial del Principáu d’Asturies (BOPA) l'alcuerdu de la Mesa Xeneral de negociación de l’Alministración del Principáu, algamáu en payares, que yá cunta cola aprobación del Conseyu de Gobiernu.

La Dirección Xeneral de Personal Docente adaptó los modelos de solicitú de permisos, inxertando un apartáu pa los asuntos propios retribuyíos, según informó esti llunes la Conseyería.

Amás, el primer día de clase remitirá a les direcciones de los centros un boletín con tola información y col procedimientu que tendrán que siguir y el documentu inxertará dende los plazos de pidimientu hasta l’orde de prioridá nel casu de coincidencia o les característiques singulares del personal interín.