Los sindicatos docentes convoquen fuelga na enseñanza pública'l 10 de setiembre

Lydia Espina tresllada la "máxima voluntá" pa llegar a un consensu

CCOO, SUATEA, UXT y CSIF dieron anuncia esti miércoles la convocatoria de fuelga na escuela pública pal 10 de setiembre viniente, primer día llectivu del cursu 2024-2025, énte’l "bloquéu" y los "amagos que nunca nun lleguen" a concretase de la Conseyería d’Educación, de la que nun recibieron "nenguna convocatoria" pa caltener una xunta na qu’abordar una propuesta negociadora.

Les organizaciones sindicales argumentaron que’l llamamientu al paru produzse dempués de llevar tol cursu con movilizaciones, amás de tres enzarros y otres tantes concentraciones, 150 concentraciones nos centros educativos y dos grandes movilizaciones multitudinaries.

Nesti contestu, dixeron que nun hubo "nenguna convocatoria de xunta" de la conseyera d’Educación, Lydia Espina, a la qu’atribuyeron "facer anuncios na prensa que llueu nunca nun se treslladen" al Boletín Oficial del Principáu d’Asturies (BOPA).

Per parte de so, la conseyera d’Educación, Lydia Espina, treslladó la "máxima voluntá" pa llegar a un consensu, pa lo que’l so departamentu tien un calendariu, que "yá ta fechu, cola cronoloxía pa poder presentalu y negociar".