Los sindicatos enzárrense n'Educación pa desbloquiar delles reclamaciones

Aseguren que los docentes asturianos sufren una discriminación oxetiva que resulta yá inaceptable

Los sindicatos docentes d’ANPE, CCOO, UXT, SUATEA y CSIF enzarráronse esti llunes na sede de la Conseyería d’Educación pa esixir el desbloquéu de les negociaciones al rodiu de delles meyores llaborales, como la mengua de la xornada llectiva del cuerpu de maestros a 23 hores selmanales.

Les organizaciones sindicales tamién reclamen la mengua de la xornada llectiva a mayores de 55 años y la reconocencia de díes llibres por asuntos propios al colectivu docente, según detallaron nun comunicáu a comuña.

Los sindicatos apuntaron qu’Asturies ye, xunto con Madrid y Andalucía, la única comunidá autónoma que nun aplicó la recomendación de la llei p’axustar l’horariu llectivu de los maestros a 23 hores selmanales.