Los supermercaos reponen la mercancía pa evitar el desabastecimientu

Pídese a la población que nun vaya en masa a comprar

Güei los supermercaos tán zarraos, anque dalgunos aprovecharon pa reponer la mercancía que desapaeció nestes últimes hores.

A un supermercáu de Tapia llegó bien ceo un camión enllén de comida y artículos de primer necesidá col envís de que mañana nun haya nengún problema d’abastecimientu.

Los almacenes de munchos, poro, tán enllenos.

Pídese a la población que nun vaya en masa a comprar y a los que lo fagan qu’eviten momentos de gran afluencia y que guarden la distancia de seguridá.