Los trabayadores d’Alcoa nun baxen la guardia

Concentración na portería de la fábrica d’Avilés

Los trabayadores d’Alcoa Avilés despiden l’añu con una concentración na portería de la fábrica d’Avilés. Convocaron una concentración el 8 de xineru viniente énte la sede del Ministeriu d’Industria coincidiendo cola próxima xunta de la mesa negociadora del espediente d’estinción de trabayu.

El calendariu de movilizaciones zarráu hasta agora inclúi una marcha a pie de los trabayadores dende l’aluminera hasta l’Ayuntamientu d’Avilés, onde se concentrarán, el 12 de xineru viniente, dende les 12:00 hasta les 13:00 hores.

Dende’l comité d’empresa llamen a los compañeros de les auxiliares y a la sociedá asturiana a secundar la movilización.

Los trabayadores acusen d’inacción al gobiernu de Pedro Sánchez y esixen saber quién son los posibles compradores o inversores, si ye que los hai, y les ufiertes de les que fala’l Gobiernu pero de les qu’hasta la fecha desconocen la so existencia.

Mientres, Alcoa y Sindicatos siguirán negociando l’ERE hasta’l 15 de xineru, dempués d’algamar una segunda prórroga nes negociaciones. Dende esa fecha, si nun hai alcuerdos, la multinacional podrá entamar colos despidos.
...