Los trabayadores de Saint-Gobain van caltener la fuelga indefinida hasta'l xueves

Selmana decisiva pal futuru de la plantiya

Xunta de la dirección de Saint Gobain y el comité d'empresa. Tamos énte una selmana clave. El xueves remata'l plazu oficial de negociación del ERE y los trabayadores empezaron güei una fuelga indefinida que piensen caltener hasta esi día. El so oxetivu ye que la empresa replantegue una solución al zarru.

El comité d'empresa de Saint Gobain sigue a la espera de que'l Ministru d'Industria, Jordi Hereu, se xunte esta selmana cola dirección de la compañía.

La fuelga indefinida de los trabayadores de la división Sekurit empezó a les 6:00 cola concentración a les puertes de la factoría avilesina.

Según los sindicatos el paru ta siendo secundáu al 100%, tanto ente la plantiya como nes subcontrates, señalen Verónica Otero, presidenta del comité d'empresa Saint-Gobain n'Avilés y Aitor Cano, voceru del comité d'empresa de Sergón.

El xueves remata'l plazu oficial de negociación del ERE y los trabayadores van caltener hasta esi día la fuelga coles mires de que la empresa replantegue una solución al zarru.

Amás, yá hebo los primeros contactos col ministeriu d'Industria a la espera de la xunta ente'l ministru Jordi Hereu y la dirección de Saint Gobain.