Los trabayadores de Vesuvius concéntrense na Plaza la Catedral

Quieren siguir visibilizando el so problema y sofitar a los sos compañeros

Los trabayadores de Vesuvius volvieron concentrase esta mañana delantre la Catedral d'Uviéu, onde tres de los sos compañeros lleven ocho díes zarraos.

El comité d'empresa asegura que quieren siguir visibilizando el so problema y sofitar a los sos compañeros.

Esperen que se convoque de forma oficial la mesa de negociación pal procesu de reindustrialización de la factoría, prevista pal próximu 30 d'ochobre.