Webcams
Buscar
Los trabayadores de les ITV refuguen la ufierta del Principáu
Sigue la fuelga indefinida d'Itvasa
La plantiya d'Itvasa refuga la propuesta presentada ayeri pola Conseyería d'Industria pa desbloquiar la fuelga na inspección técnica de vehículos d'Asturies: 193 votos escontra y siete a favor.
Sigue, poro, la fuelga indefinida nes ITV. Los trabayadores conseñen que la solución pasa pola incorporación inmediata de más personal. Valoren que sedría una midida más barata que pagar hores estra.
La postrer propuesta d'Industria ufiertaba pagar como hores estraordinaries el trabayu en sábadu, que tendría calter voluntariu, y pagar como hores ordinaries el nuevu horariu ampliáu de llunes a vienres.
El comité de fuelga yá treslladó la decisión a la Dirección Xeneral d'Industria, a Itvasa y al Sasec, el muérganu que ta mediando nel conflictu.
