Los trabayadores de les ITV volverán a la fuelga a dende'l vienres

Los sindicatos quéxense de que'l gobiernu quiera eliminar de la negociación el pagu de trienios

El vienres d’esta selmana los trabayadores de les ITV d’Asturies vuelven a la fuelga. Y si nun hai alcuerdu enantes, caltendrán los paros tolos llunes, miércoles y vienres hasta Selmana Santa.

Esti miércoles abrióse una mesa de diálogu n’Uviéu, con una xunta ente representantes sindicales y la dirección d’Itvasa, pero básicamente pa esponer los pidimientos y treslladales al propietariu de la compañía, que ye’l Principáu.

Los representantes sindicales quéxense de que, enantes d’entamar a dialogar, el gobiernu autonómicu quiera eliminar de la negociación el pagu de trienios.

El llunes 22 de xineru volverán a aconceyar.