Los trabayadores d’Alcoa tán enfadaos

Nueva concentración a les puertes de la factoría n’Avilés

Alcoa nun dará marcha p’atrás na so decisión de zarrar les sos plantes d’Avilés y A Coruña. Asina lo conseñaron ayeri los sindicatos en Madrid que víen una actitú belicosa na negociación del ERE por mor de la postura de la empresa, que se niega a buscar alternatives al pieslle.

El calendariu de movilizaciones caltiénse y güei otra vuelta los trabayadores concéntrense a les puertes d’esa factoría. La concentración de güei ye más combativa que la de los díes d’atrás, dempués del resultáu de la xunta que se celebró ayeri.

Los trabayadores de la planta d’Avilés tán enfadaos y dicen que van siguir lluchando pa que pare’l pieslle.

Fálase d’endurecer les movilizaciones que siguirán mañana con una concentración n’Avilés y el sábadu con una marcha a pie hasta Delegación de Gobiernu.