Los vecinos de Ceis celebren los nuevos planes pal palaciu allugáu na parroquia

Lleven 16 años de llucha pa salvar l'inmueble

Los vecinos de Ceis celebren los nuevos planes pal palaciu allugáu na parroquia. Lleven 16 años de llucha pa salvar l'inmueble. Rexistraron el primer espediente en 2007, y dende entós vieron cómo l'edificu diba empeorando y agravando el so estáu en ruines ensin que naide actuara. Agora ven el pagu al so esfuerzu.

Los vecinos de Ceis rexistraron el primer espediente nel Conceyu fai 16 años. Atropen papeles y papeles que dieron la vuelta per delles alministraciones ensin que xeneraren nenguna actuación. La presidenta vecinal, Carmen Blanco, valora mui positivamente que tantos años de llucha sirvieren pa daqué.

Nun queríen dexar que'l so gran emblema arquitectónicu esbarrumbara. Nun-yos importen el tipu d'usu que se-y dea, lo importante ye que vuelva tener vida.

El proyectu arquitectónicu va respetar tola fachada y inclusive los materiales y va siguir la llinia d'otres restauraciones como les de los palacios del Marqués de Santa Cruz de Castropol o'l de Pardo Donlebún d’As Figueiras.