Los vecinos de Noreña, escontra la quema de plásticu nel so conceyu

Mesa de firmes nel centru de la villa condal

Un grupu de vecinos de Noreña axuntáronse nuna plataforma p'axuntar los allegamientos escontra la planta de quema de plásticu qu'una empresa quier instaurar nel conceyu.

Estos ciudadanos asitiaron una mesa de firmes nel centru de la villa condal, yá qu'aseguren qu'anque'l Conceyu informara de que'l proyectu nun va salir alantre, dicen que nun ta archiváu y sigue alantre.

L'equipu de gobiernu asegura que'l propietariu de la finca onde quier implementase la planta de pirólisis refugó cedelu a la compañía, pero'l consistoriu tien la obligación de siguir con tol procesu llegal.