Los vecinos de Poreñu destaquen lo cercanos y cenciellos que son los reis

Munches anécdotes, sobre manera colos más pequeños

El pasu de los reis per Poreñu dexó munches anécdotes. Don Felipe y Doña Letizia llevaron nueces de tres costures, interesáronse pola artesanía y folclore local y nun dexaron de besar y fotografiase con neños.

Ente los asistentes, sorprendió lo cercanos y cenciellos que son los reis d'España, nuna xornada na qu'esti pequeñu llugar maliayu tuvo enllén de visitantes.

Una semeya pa l'alcordanza ye lo que lleva Clara, que'l llunes va amosar arguyosa nel colexu. Otros, como Ainhoa, son fieles a la so cita colos monarques, que yá conocíen al pequeñu Liam y güei conocieron al so hermanu Joel.

Don Felipe y Doña Letizia interesáronse pol faer de los artesanos locales. Dende l'acebache, hasta la repostería maliaya, ellaborada con figos de Rozaes.

Ente'l públicu, munchos vecinos y visitantes qu'enllenaben güei Poreñu y destacaben lo cenciellos que son los monarques. Una xornada que, ensin dulda, Poreñu y Villaviciosa nun van poder escaecer.