Los vecinos escontra la instalación d'un parque eólicu nes sierres d'El Pumar y Villarín

Presenten allegamientos al proyectu pola so cercanía a cinco pueblos del conceyu de Pravia

En Pravia, los afectaos pol proyectu d'instalación d'un parque eólicu presentaron allegamientos pa evitar la so tramitación. Los molinos allugaríense nes sierres d'El Pumar y Villarín. Ente los motivos qu'aleguen a la escontra del proyectu ta la cercanía a cinco pueblos del conceyu de Pravia.

Evitar que la sierra d'El Pumar s'enllenen de molinos de vientu ye polo que lluchen los vecinos de Sangreña, Valdidiellu, Carceda, Orderias y Ablanéu. Defenden que l'allugamientu de siete aeroxeneradores frayaría la directriz qu'encamienta que s'alluguen a una distancia mínima de 1.000 metros. Daqué que, nesti casu, nun se cumpliría.

Amás, aseguren qu'afectaría a los mananciales de la zona, a lo qu'hai qu'amestar l'impactu paisaxísticu, sonoru y visual, d'unos molinos d'unos 200 metros d'altor.

El plazu pa presentar allegamientos remata'l próximu llunes.