L’Ayuntamientu de Xixón robla’l conveniu del Plan de Víes

Queda pendiente la robla de los responsables d’ADIF y Renfe

L’Ayuntamientu de Xixón robla’l so compromisu col conveniu del plan d’inxerimientu ferroviariu na ciudá. Carmen Moriyón robló esta mañana’l documentu d’un proyectu que tien un desendolcu, apunta, que yá ye indestructible.

Dempués d’esti trámite, namái queda pendiente la robla de los responsables d’ADIF y Renfe, últimu pasu enantes de que’l conveniu del Plan de Víes s’asoleye nel BOE.

La entovía alcaldesa de Xixón asegura que dempués d’esti pasu queden afitaes les bases del proyectu y confía en que la futura corporación tea sollerte a la hora de que se cumplan los compromisos roblaos. Carmen Moriyón amosóse arguyosa del trabayu fechu dende’l consistoriu xixonés.

Tamién quixo destacar l’alcuerdu algamáu poles alministraciones implicaes.