L’análisis de la flora intestinal podría ayudar a prevenir los efectos más graves del COVID-19

Microviable busca financiación privada pa poder esparder l’estudiu fuera d’Asturies

L’análisis de la flora intestinal podría ayudar a prevenir los efectos más graves del COVID-19. Con esta premisa, la empresa biotecnolóxica asturiana Microviable busca financiación pa diseñar un modelu predictivu y abrir la posibilidá de diseñar tratamientos dende España.

Dempués d’analizar les muestres, al traviés d’intelixencia artificial pue afitase un modelu predictivu, un patrón de rempuesta inmunitaria escontra’l virus. Eso dexaría afitar les bases pa diseñar tratamientos actuando sobre la microbiota, sobre la flora intestinal, pa prevenir la infección o polo menos los efectos más graves.

Una investigación a mediu plazu que tendría aplicación pal COVID-19 y tamién pal tratamientu d’otres enfermedaes infeccioses. Microviable tamién busca financiación privada pa poder esparser l’estudiu fuera d’Asturies.

Nesta primer fase tán collaborando l’HUCA, el CSIC al traviés del IPLA y la fundación CTIC, qu’aportará los algoritmos matemáticos.