L’artista Monica Solar decora les marquesines de la parroquia de Llaviana
![La artista Monica Solar decora las marquesinas de la parroquia de Llaviana](https://www.rtpa.es/fotos//19/05/20190505140200_MARQUESINAS5519.jpg)
Un proyectu que l’asociación de vecinos del pueblu bautizó como 'Parades'
Dempués de la rehabilitación de les marquesines la parroquia de Llaviana, en Gozón, l’artista Monica Solar entama la so decoración, dientro d’un proyectu que l’asociación de vecinos del pueblu bautizó como 'Parades'.
Dempués de facer un bocetu, da forma en carboncín al diseñu pa después da-y con pintura plástico. En caúna de les 10 marquesines de Llaviana, recrearáse una escena costumista de la parroquia. Al traviés de los diseños podrá vese’l calter ganaderu, industrial, o’l paisaxe del conceyu de Gozón.
Los vecinos de Llaviana quieren que les marquesines seyan un atractivu turísticu, amás del serviciu qu’ufierten a los 600 vecinos de la parroquia qu’usen l’autobús.
Llaviana lleva dos años presentándose al Premiu al Pueblu Exemplar d’Asturies. Confíen en que’l proyectu de les marquesines seya un atractivu más a favor de la so candidatura.