Marcelino Marcos, convencíu de que nenguna esplotación va quedar ensin recoyida de lleche

La empresa propietaria de Reny Picot asegura que pue asumir tola lleche de los ganaderos a los que van dexar de mercar Danone y Mantequerías Arias

El conseyeru de Mediu Rural y Política Agraria, Marcelino Marcos, amosóse convencíu esti xueves de que nenguna esplotación n'Asturies va quedar ensin apurrir la lleche que produz.

"Soi optimista en qu'a la fin esto va iguase", dixo sobre los cuarenta ganaderos asturianos afectaos pola decisión de la multinacional Danone y Mantequerías Arias de dexar de recoyer la so producción a lo llargo de los próximos meses.

Tres caltener una xunta con representantes d'Industrias Lácteas Asturianas-Reny Picot, amosóse convencíu de que les empreses del Principáu van contribuyir a "buscar una solución a esi problema de manera individualizada" al traviés d'una negociación coles esplotaciones ganaderes.