Más de 1.200 persones trabayarán na parada técnica d’Ence

La papelera entama mañana 10 díes de trabayos de caltenimientu

La papelera de Navia fadrá, nos 10 díes vinientes, la so parada técnica añal pa trabayos de caltenimientu.

La parada arrancará oficialmente mañana llunes anque nun parará la producción de pasta de papel hasta’l martes a les 21:00.

Ence contratará pa estos trabayos alredor de 1.200 trabayadores estra, lo que supón un gran estímulu económicu pa Navia.

Munchos d’ellos son de la zona pa cumplir col conveniu que la fábrica tien col Ayuntamientu. Los demás vienen de Portugal, Suecia, Finlandia y dellos puntos de la xeografía española como Galicia, CastiellaLleón y Andalucía.

La so misión nes dos selmanes vinientes sedrán trabayos ordinarios de caltenimientu pero tamién llevarán alantre obres que tienen que ver col procesu d’ampliación de la que ye la mayor planta de producción de pasta de papel d’Europa.

Güei yá ta cubierta la ufierta hotelera y los comercios medrarán les sos ventes nes dosselmanes que dura la parada técnica.