Más de 2.000 persones van trabayar na Feria de Muestres d'Asturies

Los 720 espositores que van tar presentes na feria empiecen a tomar forma

Más de 2.000 persones van trabayar nesta edición de la Feria Internacional de Muestres d'Asturies. Un total de 700 van facelo de forma directa o indirecta pa la Cámara de Comerciu. Pa dalgunos, va ser la so primer esperiencia profesional.

Esta mañana, el recintu ferial foi un dir y venir continuu de vehículos y de xente. Los 720 espositores que van tar presentes na feria empiecen a tomar forma. Nada nuevo pa los trabayadores más veteranos.

Na Feria de Muestres espérase yá con gana los primeres visitantes.