Más de dos millones de persones pasaron per Xixón esti branu

L'Oktoberfest y la Cometcon esperen siguir la racha en setiembre

Más de dos millones de persones pasaron per Xixón esti branu. La mayor asistencia foi na Fiesta del Cielu. A esti eventu foi más de mediu millón de persones, cifra que s’algamó tamién na Nueche de los Fueos Artificiales.

Cerca ta’l Metrópoli Xixón, una cita obligada pa los amantes de la música y la cultura, qu’esti añu algamó los 400.000 visitantes.

Y ye que precisamente la música foi una de les grandes protagonistes. Los conciertos de La Playa’l Natahoyo y los de La Plaza Mayor sumaron más de 200.000 persones; y festivales como’l Tsunami Xixón rompió recors d’asistencia.

Pero’l branu xixonés entá nun s’acaba. Con setiembre lleguen l’Oktoberfest y la CometCon, dos cites que s’espera atraigan a un gran númberu d’espectadores.