Webcams
Buscar
Casu amplía les places del so 'Taxi al paraísu'
Nel añu 2017, 1.200 persones utilizaron el taxi que xube hasta la mayada de Brañagallones, nel conceyu Casu.
El taxi lleva 20 años dando serviciu pero agora ye’l nuevu reclamu turísticu de la campaña 'Taxi al Paraísu' que se presentó en Fitur.
L’oxetivu ye promocionar el Parque Natural de Redes y facelo accesible a tolos públicos, tanto que dende primavera inxertaráse un nuevu vehículu que xubirá hasta 25 persones per trayectu.
El percorríu sedrá divulgativu pa dar a conocer los valores rurales qu’entovía se conserven. Pasa per castañales nel Valle del Nalón, y per fayeos nel valle del ríu Monesteriu. En total 11 kilómetros hasta llegar a la mayada más famosa de Bezanes.
Los más de los qu’acceden hasta ehí duermen nel refuxu qu’abrió en 2016 y que, dende entós, recibió 2.000 reserves. El teléfonu nun dexa de sonar, tanto qu’agora tien un hándicap: l’abastecimientu enerxéticu.
Si la campaña funciona, col accesu rodáu al únicu refuxu d’Asturies qu’abre tol añu, los visitantes sedrán un complementu a la economía ganadera local.
