Más rádares y velocidá llendada a 80 nel Corredor del Nalón

Les midíes pa meyorar la seguridá nel corredor entamen la selmana viniente

El conseyeru de Fomentu, Cooperación Local y Prevención d’Incendios, Alejandro Calvo, treslladó esti llunes a los cinco alcaldes del valle del Nalón les midíes que se pondrán en marcha selmana viniente pa meyorar la seguridá nel corredor del Nalón (AS-117).

Estes midíes, feches en coordinación cola Xefatura Provincial de Tráficu, tán basaes nel análisis de les condiciones de la vía dende la ponte atirantada (km 4,400) hasta Rusecu (Km 28), según informó’l conseyeru a los rexidores de Llangréu, Llaviana, Samartín del Rei Aurelio, Casu y Sobrescobiu.

Nos díes vinientes entamarán los trabayos de refuerzu y anovación de la señalización vial pa informar sobre la instalación de radares y la unificación de la llende de velocidá máxima a 80 kilómetros per hora ente Sama y Llaviana, col envís d’amenorgar la siniestralidá ensin causar una afección significativa na capacidá de la vía.