Médicos y enfermeros pidirán al conseyeru de Sanidá soluciones pa solucionar la falta de profesionales

Los sindicatos aconceyarán con Pablo Fernández pa plantea-y les necesidaes más urxentes

La escasez de médicos y d'enfermeros sedrán los dos problemes que tanto'l Sindicatu Médicu como'l Sindicatu d'Enfermería d'Asturies van plantea-y al nuevu conseyeru de Sanidá, Pablo Fernández.

Tanto la falta de facultativos como de profesionales d'enfermería tán xenerando dificultaes pa cubrir vacantes per vacaciones y permisos.

Los dos sindicatos profesionales aconceyarán esta tarde col conseyeru, non solo de mou protocolariu como una primer toma de contactu, sinón que tamién aprovecharán pa plantea-y dalgunes de les necesidaes más urxentes de los profesionales sanitarios del Principáu.

Ente otres demandes consideren que fai falta meyorar les condiciones llaborales y retributives pa que médicos y enfermeros vean atractivo trabayar n'Asturies.