Miguel Watio, un artista inspiráu pol Pop Art

Una nueva esposición na galería Amaga d'Avilés, próximu finxu del sevillanu

El nuesu personaxe de güei ye un artista sevillanu que lleva afincáu en Xixón dende fai yá 19 años. Ye Miguel Watio. La so trayectoria foi camudando ente lo figurativo y lo abstracto, pero siempres inspirada pol Pop Art.

Llegó a Xixón en 2004 pa trabayar como lletricista, pero ensin dexar de llau la so gran pasión: la pintura. En 2011 tien la so gran oportunidá. Espón na yá estinta galería Cornión. ‘Desde mi ventana’ ye'l nome de la esposición.

Tres años más tarde, lleva una nueva esposición a Cornión. Lleva'l nome de ‘Clásicos populares’.

En 2017 espón ‘De paso’ y en 2020 ‘Camín de Niundes’. Dambes marcaes pol fallecimientu de la so hermana.

Nos últimos tiempos el so trabayu garró un matiz mui xixonés.

Una nueva esposición, esta vegada na galería Amaga d'Avilés, ye'l próximu finxu nel camín de Miguel Watio