Miles de muyeres manifiéstense en Llangréu pa esixir que s'avance hacia la igualdá

Más de 10.000 persones, según datos de la Policía Nacional, fueron a la marcha peles cais llangreanes

Miles de persones, más de 10.000 según la Policía Nacional, manifestáronse esti vienres peles cais de Llangréu baxo’l lema: 'A golpe de tacón, dando tira', pa reivindicar la necesidá de siguir avanzando hacia la igualdá y a la escontra de la violencia machista, la esplotación y les agresiones sexuales que sufren les muyeres.

Convocaos pola plataforma Asturies Feminista 8M nel Día Internacional de la Muyer, los manifestantes percorrieron el trayectu ente’l Parque Antonio García Lago, en La Felguera, hasta’l Parque Dorado, en Sama, onde se lleó un manifiestu nel que se condenó les distintes formes d’esplotación sexual y les múltiples violencies y agresiones sexuales que viven munches muyeres nel mundu.

Nel testu reivindicóse l’afitamientu de midíes totales que pongan llendes y soluciones a la violencia machista y por algamar una sociedá onde la convivencia tea basada nel respetu y la igualdá.