Minutu de silenciu na alcordanza de Miguel Ángel Muñiz en La Ribera

El parricida confesu sigue ingresáu na unidá de psiquiatría del HUCA

El parricida confesu de La Ribera sigue ingresáu na unidá de psiquiatría del HUCA, a la espera de recibir l'alta y ser treslladáu a un centru penitenciariu. Esta mañana nel conceyu guardóse un minutu de silenciu na alcordanza de la víctima, Miguel Ángel Muñiz.

Fueron decenes de persones, tamién dalgunu de los sos familiares, ente ellos, l'hermanu de la víctima, que pide nun faer xuicios de valor sobro lo sucedío. Recordaron les virtúes del so hermanu y delles anécdotes de la so mocedá.