Misión científica p'algamar un cambéu de modelu agrariu
![Tractor en el campo asturiano](https://www.rtpa.es/fotos//22/05/20220515120014_RTPA2123451.jpg)
Amenorgar les emisiones del ganáu, algamar campos más ecolóxicos y xenerar menos residuos
Amenorgar les emisiones del ganáu, semar en campos de cultivu más productivos y más ecolóxicos y xenerar menos residuos, son dalgunos de los oxetivos nos que trabayó una misión científica formada por un consorciu d’empreses y entidaes asturianes. L’oxetivu nun ye otru que facilitar la supervivencia del campu asturianu.
Semar un campu con desechos de la faba dexa amenorgar abonu químico y algama suelos más nutritivos, más ecolóxicos y más productivos. Ye una de les llinies d’investigación d’un misión científica na que se propón un cambéu de modelu agrariu.
Participen 13 entidaes, ente elles el Serida, coordinaes pola consultora Grupo Dex. Son propuestes al algame de la mano, al traviés de la reutilización de residuos d’otros alimentos.
Nuna pequeña ganadería del Serida tamién analizaron que se puen amenorgar les emisiones de metanu del ganáu camudando la so alimentación.
Otra de les investigaciones tien como fin aprovechar desechos como’l sueru de la lleche y l’aceite usao, pa producir bioplásticu que sustituya al plásticu tradicional.
El cambéu, espliquen, ye posible y necesariu. Eso sí, fai falta involucrar a tola cadena agroalimentaria: productores, industria y consumidores.