Multitudinaria concentración en Xixón en defensa de la calidá del aire

Los manifestantes marchen sol lema 'La contaminación mata'

 Multitudinaria respuesta a una nueva convocatoria en Xixón pa movilizase en defensa de la calidá del aire, sol lema 'La contaminación mata'. Los manifestantes dicen que los protocolos anticontaminación y los proyectos de ciudaes más sostenibles nun sirven si namás queden nel papel.

Nel casu específicu de Xixón, nun convencen les midies transitories plantegaes por Arcelor, nin el nuevu plan del Gobiernu local, nin la próxima estación de midida fixa n'El Llauredal.

Mientres siga habiendo partícules en suspensión, los manifestantes son contundentes y aseguren que la contaminación mata.

Marcha multitudinaria y familiar, porque los más pequeños tamién lo tien claro. Sobre un millar de manifestantes ficieron el so percorríu pela ciudá, munchos baxo'l paragües.

Participaron la Federación d'Asociaciones Vecinales de Xixón, la Plataforma en Defensa de la Calidá del Aire, Asturies por un Aire sano y Ecoloxistes n'Acción.