Munches solicitúes pa llograr fondos Leader nel Baxu Nalón

Munches de les idees de negociu tán venceyaes al sector primariu

Un total de 65 espedientes presentáronse pa llograr fondos Leader. Tou un récord pal Grupu de Desenvolvimientu Rural del baxu Nalón, qu'inclúi a los conceyos de Pravia, Muros y Sotu'l Barcu, y que ta acostumáu a recibir sobre los 40 proyectos añales.

Hai que destacar que munches de les idees de negociu tán venceyaes al sector primariu. L'otru gran exe sobro'l que pivoten los proyectos son los agospiamientos rurales y de restauración.

En total, el grupu de desenvolvimientu rural cuenta con dos millones d'euros pa invertir na contorna del baxu Nalón.