N'espera de ser contrataos tres la formación como residentes nos centros de salú

XXXI Alcuentru de Residentes de Medicina y Enfermería de Familia y Comunitaria n'Uviéu

Irene Álvarez ye uvieína y residente d'últimu añu de Medicina Familiar y Comunitaria del centru de salú de Les Vegues. Va siguir la so carrera profesional n'Asturies en parte, diz, a que nos últimos meses meyoraron les condiciones llaborales.

Tamién Marta Aguilera, madrilana, que ta a nada d'acabar la so estancia como Enfermera Residente nel Centru de Salú de La Felguera.

La previsión ye que, como elles, la mayoría de los 42 médicos y 28 enfermeros qu'acaben anguaño'l so periodu de residencia n'Atención Primaria n'Asturies sigan na comunidá.

Los qu'acaben, los qu'empiecen y los que tán agora exerciendo la so residencia participaron n'Uviéu, xunto colos sos tutores docentes nel XXXI Alcuentru de Residentes de Medicina y Enfermería de Familia y Comunitaria.

Una doble xornada que sigue mañana con meses redondes, conferencies y la presentación de trabayos de los MIR y los EIR d'últimu añu.