Namái cuatro de les 11 presuntes víctimes van al xuiciu escontra los Sandulache

A una d’elles ufiertáron-y 25.000 euros pa que retirare la denuncia

De les 11 presuntes víctimes de los hermanos Sandulache, namái cuatro fueron güei al xuiciu onde taben citaes como testigos.

Dos d’elles fueron quien a escapar de la rede gracies al sofitu d’un veceru. Nel xuiciu aseguraron que fuxeron porque nun podíen más.

Les palices y los golpes yeren de siguío, taben siempre vixilaes y inclusive taben obligaes, afirmen, a tener rellaciones nun consentíes colos hermanos.

Nenguna muyer, aseguren, se llibraba del maltratu. Tamién, afirmen, a les dos moces que tán acusaes nesta causa. A una de les muyeres, denuncien, drogáronla y violáronla durante díes.

Les dos moces que fuxeron fueron atopaes dempués pol clan Sandulache en Galicia. A una d’elles, güei testigu protexíu, ufiertáron-y, afirma, 25.000 euros pa retirar la denuncia.

A otra, amenazáronla de muerte, tanto a ella como a lo so familia, declaró, y finalmente retractóse nel xulgáu.

Les víctimes insisten nel temor que-yos da declarar escontra los hermanos. Les amenaces de quemar les sos cases y matar a les sos families nel so país, denuncien, son davezu.