Nerea Riveiro comparte dinámiques y ferramientes pa trabayar colos pequeños de la casa

Desendolca'l proyectu 'Pedagoqué' en redes sociales

A la pedagoga avilesina Nerea Riveiro entrugáron-y tantes veces qué yera realmente lo qu’estudiaba que, cuando tuvo que crear una marca personal tuvo clarísimo’l nome. El so proyectu 'Pedagoqué', que desendolca en redes sociales, nun paró de medrar nos sos dos años y mediu d’andadura.

Comparte dinámiques y ferramientes pa trabayar colos pequeños de la casa. Nun sustitúi a l’atención cercana con un profesional, asegura, pero evita que los problemes medren. Un proyectu nel que s’adientró
gracies a una collacia.

Güei tien 80.000 siguidores n’Instagram, onde al traviés de vídeos, fotografíes y testos, da a families y otros profesionales, ferramientes cencielles coles que guiar a los más pequeños.

D’eses publicaciones diaries, coles que se fizo un sitiu importante na comunidá educativa surdió’l so otru trabayu: forma parte del equipu de 'Ayudate en Xixón'.

Los oxetivos de 'Pedagoqué' camudaron nestos dos años. Agora, con un nome afitáu y reconocíu, Nerea quier qu’esta plataforma sirva d’ayuda a families con pocos recursos, que d’otra manera nun podríen acceder a los servicios d’un profesional.