Webcams
Buscar
El cambéu más polémicu ye la retirada de los bancos arcu la vieya
Dientro d'una selmana va dar empiezu la reforma de la céntrica plaza de La Escandalera d'Uviéu. Una obra que va durar tres selmanes pero nun se va torgar el tránsitu de peatones mientres duren los trabayos. La última rehabilitación foi en 1973, cuando se construyó'l parking soterrañu. El discutiniu de la nueva obra ye la retirada de los populares bancos pintaos cola bandera del arguyu. Esta tarde hai una concentración pa pidir que nun se quiten.
Dientro d'una selmana la plaza La Escandalera va tener un llaváu d'imaxe. El Conceyu va entamar les obres de meyora d'accesibilidá. Van habilitase dos ramples nestes escaleres, pa los peatones que vengan de la cai Pelayo o San Francisco.
La obra tien un presupuestu de 42.000 euros. Va durar tres selmanes y nun va torgar el tránsitu de peatones mientres se faigan los trabayos.
La última rehabilitación en La Escandalera foi en 1973, cuando se construyó'l parking soterrañu. El restu, fueron actuaciones puntuales.
Y la parte más polémica de la nueva reforma ye'l cambéu de los populares bancos arcu la vieya por otros nuevos que van ser ergonómicos. Un cambéu pol que van protestar esta tarde dellos colectivos LGTBI nuna concentración convocada a les 17:00 en La Escandalera.
