Pasareles pa salvar a los anfibios que caen nes piscines fluviales d'Illas

El grupu naturalista Mavea salva unos 5.000 exemplares al añu con esta iniciativa

Son les 08:00 y entama la colocación de les pasareles. La primera inspección del llugar dexa alcontrar muerta a una sacavera rabillarga, una especie cada vegada más escasa. Zones húmedes, como esta, atraen a los anfibios sobre manera na dómina del esgüeve. Les pasareles dexarán que puean salir del vasu de la piscina.

Xaronques, sapos y tritones son les especies más comunes nesta zona. Imáxenes como una pelea ente dos machos por fecundar los güevos que llibera la fema, pudieron tomase en primavera, nesti llugar, gracies al llabor de Mavea. Estos anfibios fueron los primeros vertebraos en conquistar la superficie terrestre, y ye’l grupu en más altu peligru d’estinción. Son esenciales nel control de plagues.

Calcúlase que gracies a les pasareles sálvense al añu al rodiu d’unos 5.000 anfibios. Los rescataos suéltense en charques, estanques o ríos pa que sigan col so desendolcu.