Paz González Mesa, una de les postreres texedores y filanderes d'Asturies

Un oficiu artesanu que defende y define como una forma de vida

Paz González Mesa dexó'l so trabayu de funcionaria pa convertise en texedora y filandera. Una de les postreres que queda n'Asturies. Pa faer prendes con llana d'oveyes xaldes en telares centenarios.

Texíu sostenible y amás tiñío con plantes de la zona qu'apurren muncho más que color. Paz da cursos pa tresmitir la so filosofía testil, alloñada del consumismu y la producción en masa.

L'artesana espunxo'l so trabayu pa los últimos premios Princesa d'Asturies y conoció a una galardonada Ellen MacArthur, cola que tien enforma de mancomún. Ella tamién guarda galardones. El d'entamadora d'Acción escontra la Fame, Reguerana del añu y Muyer rural. Pero'l so mayor premiu, diz, ye poder dedicase a la so pasión, texendo la so vida escoyida.