Pezós, segundu conceyu menos pobláu d'Asturies

Nel añu 1950 llegaron a vivir unes 2.100 persones

El pasáu de Pezós amuesa la esistencia yá nel Neolíticu de castros como'l de Santa Cruz o San Isidro. Peculiares asentamientos qu'emplegaben como defensa un sistema d'afitamientu de cayuela.

De la dómina romana queden esplotaciones minerales, pero un momentu clave pal conceyu socedió a mediaos del sieglu XX, cola construcción del banzáu grandalés.

A nivel demográficu, pel añu 1950 llegaron a vivir unes 2.100 persones. En 1960 la población amenorgó hasta los 850 vecinos. El 60% de la población desapaeció en malapenes 10 años.

Nel segundu pueblu con más xente del conceyu dempués de la so capital, Sanzo, llegaron a vivir más de 100 vecinos. Güei malapenes hai una ventena.

En Pezós viven anguaño 140 vecinos, cuatro per kilómetru cuadráu, el segundu conceyu menos pobláu d'Asturies.