Peñes ye'l principal reclamu turísticu de Gozón

Lluanco acueye'l Muséu Marítimu d'Asturies, referente nel sector

Peñes ye'l principal atractivu turísticu del conceyu de Gozón. A esti enclave turísticu lleguen cada añu miles de visitantes de toa España y incluso del estranxeru. Los sos espectaculares cantiles y les sos vistes panorámiques son unu de los sos reclamos.

Peñes ye la puerta d'entrada del turismu al conceyu. Poro, na planta baxa del faru ta dende l'añu 2005 el Centru de Recepción de Visitantes y d'Interpretación d'esta contorna.

El Muséu Marítimu d'Asturies con sede en Lluanco ye otru de los atractivos del conceyu. Ente les xoyes que guarda esti muséu, destaca una embarcación de 1927, una de les más antigües que se conserven nel mar Cantábricu.

Esti equipamientu ye una referencia museística gracies al so trabayu constante y a les donaciones.

Auque recuperar estos oxetos nun ye fácil, José Ramón García lleva faciéndolo desque lu nomaron director del muséu en 1991. Y ye que cuando llegó al Marítimu namás había 175 pieces y taben amontonaes nun almacén.