Piden ayudes pa que los ganaderos encaren los gastos de les enfermedaes favorecíes pol cambéu climáticu

Asturies suma 12 focos de fiebre hemorráxica epizoótica

Los veterinarios piden a la alministración ayudes estables pa que los ganaderos encaren los gastos de les nueves enfermedaes favorecíes pol cambéu climáticu. Ye'l casu de la fiebre hemorráxica epizoótica nunca enantes presente n'Asturies.

No que va d'añu, Asturies suma 12 focos de fiebre hemorráxica y unu de llingua azul, provocaos pola picadura de mosquitos. L'añu pasáu nun hebo nengunu. Ye más, nunca antes la ganadería asturiana sufriera fiebre hemorráxica.

El cambéu climáticu ta detrás o inflúi, y puen llegar más enfermedaes, esplica Ana Carvajal, catedrática de Sanidá animal de la Universidá de Lleón.

Los veterinarios piden a l'alministración un esfuerzu investigador énte esti nuevu retu, espliquen David Iglesias, vocal d'animales grandes del Colexu de Veterinarios d'Asturies y Ana Carvajal.

Los presupuestos del Principáu pa 2024 yá incluyen un paquete d'ayudes pa los ganaderos afectaos.